O primeiro Xoves con Xeitos destes Mercados de Verán 2014 ímolo desfrutar coa música de Davide Salvado, que nos presentará o seu último traballo, "O ladrón de amorodos". Xunto a él estarán o acordeonista de Berrogüetto, Santi Cribeiro, e o percusionista e gaiteiro Cristian Silva. Éste é o segundo disco de Davide, tralo titulado "Árnica pura", producido por Eliseo Parra, e nel teñen gran protagonismo a voz e maila percusión tradicional. Está inspirado, ademáis, nos fermosos deseños do artista William Morris.
 |
| "O ladrón de amorodos", de William Morris (1834-1896) |
No apartado teatral, teremos con nós a dúas compañías que nos visitaran na primeira edición dos Mercados, Títeres Cascanueces e Títeres Alakrán. Nesta ocasión traen á Mariña o seu último espectáculo, "Mr. Pancho e a última función", que trata sobre as peripecias dun grupo de actores e músicos, intérpretes de ópera, que ven como unha cadea de comida rápida (imaxinamos que desas multinacionais tan antipáticas) vai mercar e fechar o seu teatro. A técnica empregada é a de títeres de fío.
Lembrade, na Praza do Concello, os títeres a partir das 20:30 horas, a música dende as 22:30 horas. Agardámosvos!
No hay comentarios:
Publicar un comentario